استاذ جامعي وكشر الموز....!!

ولو هيه شوية طويلة بس بداعتي حلوة.............

أنته استاذ جامعي وأنت وحيد أمك وأبوك ...بعد يوم طويل ومتعب كلت للوالد وللوالدة تصبحون على خير ونمت نومه مال واحد ما عنده نيه يكعد

وثاني يوم الصبح طبعا مثل كل يوم تجي الوالدة تكعدك بس بمكان ما تكلك

(يله حبيبي أكعد لتتأخر على الدوام) توكف فوك راسك وتصيح(يبووووووو)

تكون انت طفرت طفرة لو سكفكم ناصي جان ركعت راسك بي...وكبل بوجهك للتواليت لأن بطنك خرطت ... تطلع من التواليت للحمام حتى تغسل وتروح للدوام ..أنتوا طبعا ظرفكم زين فحمامكم بي بانيو تطب للحمام تلكه البانيو مليان مي وسمج .. تعاند وتكول ميخالف بس ألا أغسل راسي ... تمد أيدك على الصابونة (تنجوي ) تطلع ركض من الحمام وتسمع الوالدة تصيح لك تعال اتريك... ومثل ما كلنه انتوا ظرفكم زين يعني تاكلون بغرفة الطعام تدخل لغرفة الطعام تلكه امك وابوك كاعدين على تنكات مال دهن وحاطين الريوك على صندوك طماطة .. تنصدم تصفن فأبوك يصيحلك هاي شبيك انثولت تعال تريك..وغصبا عليك تكعد تنتبه للصينية تلكه امك مسوية الريوك دولمة... تنجبر تاكل شوية وتحجي وي نفسك تكول خلي اشرب جاي وأفلت تمد أيدك على القوري وتصب بمكان الجاي تنزل عمبة .. تنز وتكوم على حيلك وانت متأكد انه الوالد والوالدة (لكفو) تترخص منهم وتروح تبدل وتطلع بسرعة وبحديقتكم بمكان ما يحييك الجلب مالكم بال(عو عو )مالته تباوع تلكه بمكانه طلي يصيح عليك (مااااااااع) وخلال الميع تسمع صوت حيل مزعج جاي من فوك فتشيل راسك تلكه على الاشجار بمكان البلابل (مطايه زغار تنهك) النوب بعد متتحمل تبقه بالبيت ولآثانية وتدوس اله .. وانته دايس وكبل ما توصل الباب تسمع تدبج قوي بالشارع ومن تطلع تعرف انه سبب التدبج هو أنه كل السيارات تايراته مربعة ...فمن المفاجأة تصفن .. وأنت صافن تسمع صوت (طرزان) وتطبك يمك سيارة ام تايرات المربعة وبسرعة تسأل السايق ... شنو هذا الصوت .. فيجاوبك ... لتخاف هذا الهورن غيرنا من(ديد وطيط) الى (آآآآآآآآآآآآآآآآآآ) يله تروح .. اي يابه اي وديني للجامعة..... والحمد لله توصل للجامعة بدون مفاجآت بس من ردت تنزل وكبل ما تمد ايدك حتى

تنطي الكروة... السايق طلع فلوس وانطاك وكلك موعيب هم مأجرني وهم تنطي كروة.. تنزل ويلاكوك مجموعة من المجادي بس مومثل الي تشوفهم كل يوم لأن مجادي اليوم شباب يخبلون وشابات يشكن الحلك . الشباب لآبسين تراكسودات . والشابات لابسات بدلات مال سهرة . ومن يجدون ميكولون ... من مال الله ....لآلآلآ...الشباب يكولون ...ادفع مافي الجيب يأتيك ما في الغيب ...والشابات يكولن .. أذا عندك انطيني شكو بيه..وأذا ما عنك خليه)طبعا انته تنلاص عندك فد نوب وبس تريد توصل الجامعة .....

ومن وصلت للجامعة حيلللللل انلاصت عليك....لكيت العميد لاملك الطلاب والطالبات والاستاذة وأستاعد واستاريح (وأيس أم ) والى الوراء وعادة سر

وسوه تعداد ولأن انته متأخر جلبوا بيك وزينوك صفر وذبوك بالسجن وطب عليك العميد وأستلمك دك راشديات .. ليش متأخر موعيب عليك هاي عود انته استاذ .. وأنتت تصيح موآني الي هيج اتعامل اني اعلمكم بس اطلع اني الكم اني بس اطلع اشتكي عد اعلى جهة ...وبهاي الاثناء تسمع صوت والدك وتشوف ايده نازله عليك يالراشديات فتلزم ايده وتكل بابه شكو ليش تضرب بيه ... يكلك بابه مو انته زلكت بكشر موز وانركع راسك بالقنفة وصار لي ساعة اكعد بيك.

شوفو هاي مساويء الموز

عدد المساهمات : 14 تاريخ التسجيل : 05/10/2009

ههههههههههههههههههههههه
ههههههههههههههههههههههههههههههههههههههههههههههههههه

صدك حلوة عاشت ايدج

احترامي

وايدك عيوني تسلم على الطلة الحلوة مننحرم من ردودك cat

ههههههههههههههههههههههههههههههههههههههههههههههه عاشت الايادي حبي دومج امبدعة

عدد المساهمات : 19 تاريخ التسجيل : 17/10/2009

هههههههههههه عاشت ايدج وردة على مشاركتج الحلوة ولو تعبت من القراية هههههههههههه تحياتي الج

مشكور على الرد الحلو سوري يمكن الخط صغير ههه مشكور على الطلة الحلوة

عدد المساهمات : 19 تاريخ التسجيل : 17/10/2009

يلة اجنحة الحب وين مشاركاتج وتحشيشاتج الحلوة ننتظرج وردة

دحشش النة شوية يمعود مو فلسنة ماعدنة تحشيشات جديدة

هههههههههههه حلوووووه عاشت الايادي وينج يمعوده شو مدا تبينين نريد تحشيشات بعد

ههههههههههههههههههههههههههههههههههههههههه
جمممممممممممممميل Very Happy